Talanoa i lau fanau
O le initaneti o se nofoaga sili ona lelei e fesootai ai ma aiga ma uo, aoao ai, fai ai taaloga ma matamata ai video ma polokalame a le TV. Peitai e iai foi itu e lē lelei ai mo le fanau ma tupulaga talavou. E mafai ai ona latou maua ata i feusuaiga matagā ma isi mataupu e lē talafeagai, ma faiga taufaamata'u ma 'faamailei' ai e tagata amioleaga ma o tulaga e lē i mafaufauina e le fanau.
- Taumafai ia e iloa poo ā mea ua latou iloa
- Ia iloa e lau fanau e te lagolagoina pea i latou tusa lava poo ā tulaga e tulai mai
- Talanoa poo ai e mafai ona latou talosaga i ai mo se fesoasoani
- Talanoa i auala e mafai ona lipotia pe tapē ese ai mataupu e lē fetaui.
O loo maua nisi faamatalaga mai le Netsafe i auala e mafai ona e talanoa ai i lau fanau:
Puna'oa mo matua ua saunia e le Netsafe(external link)
Auala e tapena ai se fuafuaga mo le saogalemu i luga o le initaneti(external link)
O loo iai foi puna'oa ua faatulaga e le Classification Office e aogā e tau amata ai ona faatalanoa le mataupu lenei:
Faamatalaga mo matua ma aiga(external link)
Malamalama i luitau i luga o le initaneti
E faigofie ona faaaogā e tamaiti le initaneti e:
- Malamalama ai i lona ituaiga tagata
- Fesiligia ai faiga masani ma tuaoi ua faia e tagata matutua
- Faataitai ai i ni mafutaga
- Faataitai ai le tele o amioga.
Peitai o loo iai lamatiaga mai:
- Uiga taufaamata'u i luga o le initaneti
- Fesootaiga faamalosi
- Lafoina ma le mauaina o ata o tagata telenoa
- Matamataina ata e lē talafeagai (e pei o ata i feusuaiga matagā).
E mafai ona e lagolagoina lau fanau i se auala e lelei pe a e malamalama i luitau o loo feagai ma le fanau i luga o le initaneti.
O loo maua nisi faamatalaga mai le Netsafe:
Malamalama i luitau o loo feagai ma tupulaga talavou i luga o le initaneti(external link)
Pulea le faaaogāina o le initaneti
Mafaufau i le matua e gafatia ma malamalama ai lau tama i auala o loo latou faaaogāina ai le initaneti.
O faaaogā le initaneti mo:
- Aoaoga
- Fesootaiga ma maua ai uo; pe
- Fai ai musika poo video?
O lou iloa o mafuaaga e te iloa ai le umi o le taimi e tatau ona faaaogā ai e lau fanau le initaneti.
O loo maua nisi faamatalaga mai le Netsafe: Fautuaga mo le faaaogāina o le initaneti mo matua(external link)
Iloa le faatulagana
O loo faatulaga e le Classification Office se fua e fetaui pe a matamata ata, polokalame o le TV ma taaloga. Siaki le fua ua faatulaga e mautinoa ai e fetaui ma le matua o lau tama.
E lē o iai se fua ua faatulaga mai kamupani e pei o le Netflix, Disney+ ma le Amazon Prime. E lelei lou matamata muamua i ai, pe afai e te lē o mautinoa pe fetaui.
O loo maua nisi faamatalaga mai le Classification Office:
Faatulagana mo ata i totonu o Niu Sila(external link)
Faasalalauga tuusa'o ma video on demand (VOD)
Afai ua e vaai i se mea i faasalalauga tuusa'o, poo ata sa filifili, poo se taaloga e lē fetaui mo tamaiti:
- Tagai i le faiga e mafai ai ona e pulea lea itu i le auala o loo tuuina atu ai se ata.
E masani lava ona maua i le faatulaga o loo i lalo o faamaumauga mo le tagata o loo faaaogāina. Mo nisi faamatalaga tagai i le Taking control: Faaaogā lelei le avanoa e fai ai le pule a matua(external link) – O le faatulagana ua saunia e le Classification Office e limataitaiina ai le pule a matua mo nisi o kamupani, e pei o le Netflix, NEON, Lightbox, YouTube, Amazon Prime, upega tafailagi mo taaloga e pei o le Steam, PlayStation ma le Nintendo. - Afai ua uma ona e faatulaga mea e te pule i ai ma ua mae'a ona tuuina atu sau faitioga i le kamupani, peitai o loo faigofie ona maua pea e le fanau ata sa faasaina, imeli le info@classificationoffice.govt.nz.
ISPs ma le saogalemu i luga o le initaneti
O le ISP (Internet Service Provider) o se kamupani o loo saunia auaunaga e mafai ai ona maua le Initaneti. E faaaogā e tagata faatau le masini o loo iai i le fale e fesootai ai i le ISP, ma e otomeki ai lava ona maua le Initaneti.
E tele lava ISP e fai i ai se filifiliga, ma e tatau ona maua i luga o upega tafailagi a kamupani eseese faamatalaga e uiga i le faatulagana o faamatalaga e lē faalauaiteleina ma le pule a matua. E tāua le siaki lelei e te mautinoa lelei ai le faiga o loo e mauaina a o lē i filifilia se kamupani.
Mafaufau toto'a i fesili nei i le taimi e fai ai lau filifiliga:
- O le ā Taiala Tau Initaneti mo lea auaunaga? E tatau ona iai se taiala mai lea kamupani.
- O latou saunia se Auaunaga mo le Saogalemu i luga o le Initaneti?
- O latou saunia se faiga e maua ai se polokalame e taofia ma faatapulaa ai mea i luga o le initaneti?
- E maua mai kamupani nei se faiga e maua ai upega tafailagi e "saogalemu?"
E mafai ona e faafesootai lau ISP mo nisi faamatalaga e uiga i faiga saogalemu i luga o le initaneti, pule a matua poo fesili e uiga i faatulagana. Afai e lē o maua ni faiga e fai ai sau filifiliga mai lau ISP o loo faaaogā i le taimi nei e fetaui ma lou aiga, e tatau ona e mafaufau lelei e sui i se isi kamupani o loo maua ai lea faiga.