On this page

Keep It Real Online - Bullying

Uiga taufaamata'u i luga o le initaneti

O uiga taufaamata'u i luga o le initaneti o le taufaamata'u lea i se faiga e lafo, faasalalau pe faasoa: mataupu e lē logomalie, masoā, sese, pe faatiga ai i se tasi, ma e mafai ona aofia ai faamatalaga e patino i se tasi ma e faamāasiasia pe faamatagāina ai se tagata.

E uigaese uiga taufaamata'u i luga o le initaneti ona e:

  • Maua gofie – e 24 itula e maua ai le initaneti, ma e faigata i tamaiti ona tuu.
  • Tumau – afai ae lē lipotia ma aveese mataupu e mafai ona afaina ai lau fanau i le lumanai.
  • Faigata ona iloa – e faigata ona iloa mea o loo tutupu, i le tele o le mau app ma polokalame o loo maua i luga o social media.

Auala e tausi ai le saogalemu o lau fanau mai uiga taufaamata'u

  • Faataatia tulafono ma maua lou toafilemu - talanoa i lau fanau e uiga i le faaaogāina o le initaneti ma mea o loo e manao ia i latou e fai.
  • Malamalama ma iloilo tulaga o mea ua tulai mai.
  • Malamalama poo faapefea ona afaina lau fanau.
  • Aua e te tago aveese masini o loo latou faaaogāina, auā e ono faateteleina le mataupu talu ai o loo fesoasoani i ai uo.
  • Tapena faatasi se fuafuaga – Auala e tapena ai fuafuaga mo le faaaogāina o le initaneti(external link).

Telefoni feaveai

E mafai ona e poloka numera o loo lafoina atu feau taufaamata'u poo feau masoā.

Vaai i luga o le telefoni i le “how to block phone numbers” ma le ituaiga telefoni o loo faaaogā e lau tama. E mafai foi ona e faafesootaia le kamupani telefoni e poloka numera pe faamuta le auala o loo maua atu ai feau.

Faafesootai le aoga

E mafai ona e faafesootai le faiaoga a lau tama, pe afai o loo tupu i le aoga uiga taufaamata'u. Afai o loo e moomia se fesoasoani i lea itu, e mafai ona e faafesootai le Netsafe(external link).

Tagai i le Netsafe mo nisi faamatalaga:
Fautuaga mo matua i uiga taufaamata'u i luga o le initaneti(external link)
How to stop online bullying(external link)

Uiga taufaamata'u i luga o le social media

E mafai ona e lipotia uiga taufaamata'u i le kamupani o loo pulea le social media o loo faaaogā. O loo maua i links o loo ta'ua i lalo faatonuga e tuuina atu ai sau lipoti, taofi ni mataupu ma faasā uo ona fesootai atu i luga o le social media:

Nofoaga e maua ai le fesoasoani

Afai o e iloa se tasi o loo moomia se fesoasoani, faafesootai le Netsafe(external link):

help@netsafe.org.nz | Telefoni vili fua: 0508 NETSAFE

E tatala le laina Netsafe mo fesoasoani:

  • Aso Gafua i le Aso Faraile: 8am i le 8pm.
  • Faaiuga o vaiaso: 9am i le 5pm.

Afai o moomia se faufautua faapitoa mo lau tama, faafesootai le Youthline(external link)