On this page

Keep It Real Online - Grooming

O le ā le faamailei ma le faamailei i luga o le initaneti?

O le faamailei o faiga e taumafai ai le tagata matua e faapele ai se tamaitiiti e fai se la mafutaga e mafai ai ona ia faia ni uiga matagā i le tamaitiiti. E lē tau faia i le tino ni uiga matagā, e mafai ona tupu i luga o le initaneti.

E taumafai tagata faitogafiti e fai se la mafutaga ma le tamaitiiti i luga o le initaneti e auala atu i se social media, e faatalatalanoa, e talanoa i se taaloga e taalo ai i luga o le initaneti poo se isi lava auala e mafai ai ona fesootai i luga o le initaneti.

O nisi o tagata faitogafiti latou te faaaogāina faamaumauga pepelo (e tutusa lava ma le faatosina(external link)) ma faafoliga ai e peiseai o se tamaitiiti. O isi latou te faaaogāina faamaumauga sa'o e iloa ai lona ituaiga tagata pe afai e lē o se tagata matua. Latou te ono faafoliga peiseai e moni lona fiafia ia te oe pe iai foi sau uo e masani ai, ma o faamatalaga nei e mafai ona latou maua mai i faamaumauga o loo faamatala ai se tasi i luga o le social media.

Afai e lē i talanoa ma le tamaitiiti i se auala e faalilolilo poo se feau tuusa'o, o le a latou taumafai e faafesootai i se isi faiga faalilolilo i luga o le initaneti e lē mafai e isi ona iloa atu. O le a taumafai le tagata faitogafiti e faapele le tamaitiiti, ma o nisi o taimi e faitau masina poo tausaga o faapele le tamaitiiti, faatoa tauanauina lea o ni faiga tau feusuaiga e pei o ata o loo telenoa ai se tamaitiiti, poo le talanoa i feusuaiga ma tamaiti.

Afai o e fia malamalama atili i faiga e faapele ai e tagata faitogafiti lau fanau ma auala e mafai ai ona e pulea lea itu, e mafai ona e talosaga i le Netsafe(external link).

Pule a matua ma faatulagana e puipuia ai le faalauaitele o faamaumauga

E tāua le puipuia o faamatalaga o loo faasoa e lau tama i i luga o le initaneti, e faafaigata atili ai i tagata ese ona latou faafesoota’ia lau tama. Tagai i le
Pule a matua ma faatulagana e puipuia ai le faalauaitele o faamaumauga mo nisi faamatalaga i le auala e fai ai.

Nofoaga e lipoti i ai

O le Covert Online Investigation o se vaega faapitoa a le Matagaluega o Leoleo latou te puipuia fanau mai sauaga matagā i luga o le initaneti. Afai o e popole i faiga matagā i luga o le initaneti, tagai i le Auala e lipotia ai se solitulafono poo se faalavelave(external link).

E mafai foi ona e faafesootai le Netsafe mo se fesoasoani ma fautuaga:

Afai o e vaaia ni mea matagā i luga o le initaneti e pei o sauaga matagā i tamaiti e mafai ona e faafesootai le Department of Internal Affairs: Fai se faaseā(external link).

E te lē o mautinoa poo ā mea matagā? Tagai i le upega tafailagi a le Internal Affairs mo nisi faamatalaga: O mea e matagā ma e tatau ona faatapulaa?(external link)

Nofoaga e maua ai le fesoasoani

Safe to Talk – Sexual Harm Helpline:

Youthline: